Выстаўка мастацкай фатаграфіі «Гомельшчына: дыялог праз стужку» працуе ў абласным цэнтры

У цэнтры ўвагі Музея гісторыі друку і фатаграфіі – праект па выніках рэспубліканскага пленэра ў Гомелі і Ветцы.

Пленэр праходзіў у некалькі этапаў у 2025 годзе. Зараз удзельнікі з’ехаліся ў Гомель з розных куткоў Беларусі. У час работы над здымкамі яны выкарыстоўвалі некалькі ручных тэхнік: цыянатыпію, срэбны друк і брамойль.

Пры цыянатыпіі канчатковая выява атрымліваецца шляхам экспанавання УФ-выпраменьваннем солі жалеза. Срэбны друк заснаваны на праекцыйным экспанаванні светаадчувальнай паперы з дапамогай фотапавелічальніка і солей срэбра, якія ўваходзяць у склад паперы. Брамойль – расфарбоўка срэбных адбіткаў алейнымі ці іншымі фарбамі з прапрацоўкай дэталяў спадручнымі прадметамі. Гэта сучасная інтэрпрэтацыя тэхнікі брамойль.

Асваенне новых спосабаў друку, камандная работа, вырашэнне выніковай экспазіцыі выстаўкі пакідаюць кожнаму ўдзельніку вопыт самавыяўлення і мастацкага выказвання праз фатаграфію. Атрыманне гэтага вопыту і было галоўнай мэтай пленэра.

Источник: https://gp.by
© Правда Гомель